ਪੰਜਾਬ ਦੇ ਹੜ ਪ੍ਰਭਾਵਿਤ ਇਲਾਕਿਆਂ ਵਿੱਚ ਅਹਿਮਦੀਆ ਨੌਜਵਾਨ ਰਾਹਤ ਅਤੇ ਸੇਵਾ ਕਾਰਜਾਂ ਵਿੱਚ ਅੱਗੇ ਵੱਧ ਰਹੇ ਹਨ।

ਕਾਦੀਆਂ 2 ਸਤੰਬਰ (ਸਲਾਮ ਤਾਰੀ)

ਸੂਬਾ ਪੰਜਾਬ ਵਿੱਚ ਲਗਾਤਾਰ ਹੋ ਰਹੇ ਮੀਂਹ ਦੇ ਕਾਰਨ ਪੰਜਾਬ ਦੇ ਕਈ ਜ਼ਿਲਿਆਂ ਵਿੱਚ ਹੜ ਦੀ ਸਥਿਤੀ ਪੈਦਾ ਹੋ ਗਈ ਹੈ ਹੜ ਨਾਲ ਪ੍ਰਭਾਵਿਤ ਲੋਕਾਂ ਤੱਕ ਰਾਹਤ ਅਤੇ ਮਦਦ ਪਹੁੰਚਾਉਣ ਲਈ ਅਹਿਮਦੀ ਨੌਜਵਾਨਾਂ ਦੀ ਸੰਸਥਾ ਮਜ਼ਲਿਸ ਖੁਦਾਮ  ਉੱਲ ਅਹਿਮਦੀਆ ਦੇ ਨੌਜਵਾਨ ਅੱਗੇ ਆ ਕੇ ਆਪਣੀਆਂ  ਸੇਵਾਵਾਂ ਪੇਸ਼ ਕਰ ਰਹੇ ਹਨ  l

ਮਜਲਿਸ ਖੁਦਾਮ ਉੱਲ ਅਹਿਮਦੀਆ ਭਾਰਤ ਦੇ ਤਹਿਤ ਕਈ ਦਿਨਾਂ ਤੋਂ ਜ਼ਿਲਾ ਗੁਰਦਾਸਪੁਰ ਡੇਰਾ ਬਾਬਾ ਨਾਨਕ ਫਤਿਹਗੜ੍ਹ ਚੂੜੀਆਂ ਆਦਿ ਦੇ ਪਿੰਡਾਂ ਵਿੱਚ ਰਾਹਤ ਸਮਾਨ ਮੁਹਈਆ ਕਰਵਾਇਆ ਜਾ ਰਿਹਾ ਹੈ l ਇਸ ਵਿੱਚ ਖਾਣ ਪੀਣ ਦਾ ਸਮਾਨ ਰਾਸ਼ਨ ਦੁੱਧ ਪੀਣ ਵਾਲਾ ਪਾਣੀ ਸਮੇਤ ਬਹੁਤ ਸਾਰੀ ਜਰੂਰੀ ਚੀਜ਼ਾਂ ਲੋੜਵੰਦਾਂ ਤੱਕ ਪਹੁੰਚਾਈਆਂ ਜਾ ਰਹੀਆਂ ਹਨ।

ਮਜਲਿਸ ਖੁਦਾਮ ਉੱਲ ਅਹਿਮਦੀਆ  ਮੁਸਲਿਮ ਜਮਾਤ ਅਹਿਮਦੀਆ ਦੇ ਨੌਜਵਾਨਾਂ ਦੀ ਉਹ ਸੰਸਥਾ ਹੈ ਜੋ ਸਾਰਾ ਸਾਲ ਹੀ ਖਿਦਮਤੇ ਖਲਕ ਦੇ ਕਾਰਜ ਕਰਦੀ ਰਹਿੰਦੀ ਹੈl  ਇਹ ਸਾਰੇ ਕਾਰਜ ਮਜਲਿਸ ਖੁਦਾਮ ਉੱਲ ਅਹਿਮਦੀਆ ਦੇ ਕੌਮੀ ਪ੍ਰਧਾਨ ਸ਼ਮੀਮ ਅਹਿਮਦ ਗੌਰੀ ਦੀ ਅਗਵਾਈ ਹੇਠ ਚੱਲ ਰਹੇ ਹਨ l ਇਸ ਸੰਬੰਧ ਵਿੱਚ ਹੋਰ ਜਾਣਕਾਰੀ ਦਿੰਦਿਆਂ ਇੰਚਾਰਜ ਨਵੀਦ ਅਹਿਮਦ ਫਜ਼ਲ ਨੇ ਦੱਸਿਆ ਕਿ ਕਾਦੀਆਂ ਦੇ ਅਹਿਮਦੀਆ ਮੁਸਲਿਮ ਨੌਜਵਾਨਾਂ ਦੀ ਟੀਮਾਂ ਵੱਡੀ ਗਿਣਤੀ ਵਿੱਚ ਲੋਕਾਂ ਤੱਕ ਪਹੁੰਚ ਕੇ ਪ੍ਰਭਾਵਿਤ ਇਲਾਕਿਆਂ ਵਿੱਚ ਰਾਹਤ ਕਾਰਜ ਕਰ ਰਹੀਆਂ ਹਨl ਅਤੇ ਉਹਨਾਂ ਤੱਕ ਰਾਹਤ ਦਾ ਸਮਾਨ ਪਹੁੰਚਾ ਰਹੇ ਹਨ। ਇਸ ਇਸ ਮੌਕੇ ਉਹਨਾਂ ਦੇ ਨਾਲ ਹਾਫਿਜ ਨਈਮ ਪਾਸ਼ਾ ਪ੍ਰਧਾਨ  ਅਹਿਮਦੀਆ ਯੂਥ ਵਿੰਗ ਕਾਦੀਆਂ ਅਤਾਉਲ ਬਾਰੀ, ਸੱਦਾਮ ਅਹਿਮਦ,ਅਬਦੁਲ ਹਈ ਅਤੇ ਆਮਿਰ ਅਹਿਮਦ ਸ਼ਾਮਿਲ ਹਨl