ਕਾਦੀਆਂ 9 ਜੁਲਾਈ (ਸਲਾਮ ਤਾਰੀ)
ਰਾਹਤ ਫਾਉਂਡੇਸ਼ਨ ਦੇ ਸਰਪ੍ਰਸਤ ਸਰਦਾਰ ਜਗਦੇਵ ਸਿੰਘ ਬਾਜਵਾ ਯੂ ਐਸ ਏ, ਦੀ ਅਗਵਾਈ ਹੇਠ ਸੰਸਥਾ ਦੇ ਪ੍ਰਧਾਨ, ਪ੍ਰਿੰਸੀਪਲ ਸ੍ਰੀ ਰਾਮ ਲਾਲ ਜੀ ਬੀਐਨ ਓ ਸ੍ਰੀ ਹਰਗੋਬਿੰਦਪੁਰ ਨੇ, ਸੈਸ਼ਨ 24 /2025 ਬੋਰਡ ਦੀਆਂ ਜਮਾਤਾਂ ਦੇ ਵਿੱਚ ਜਿਹੜੇ ਵਿਦਿਆਰਥੀਆਂ, ਨੇ ਮੈਰਿਟ ਵਿੱਚ ਸਥਾਨ ਪ੍ਰਾਪਤ ਕੀਤਾ ਹੈ,
ਉਹਨਾਂ ਨੂੰ, ਅਤੇ ਉਹਨਾਂ ਦੇ ਮਾਪਿਆਂ ਨੂੰ, ਉਹਨਾਂ ਦੇ ਅਧਿਆਪਕਾਂ ਨੂੰ, ਸਨਮਾਨਿਤ ਕੀਤਾ ਗਿਆ। ਇਸ ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਡੀਐਸਪੀ ਸ੍ਰੀ ਕਸਤੂਰੀ ਲਾਲ ਜੀ ਸਲੋਤਰਾ ਸਨ ਅਤੇ ਉਹਨਾਂ ਨੇ ਆਪਣੇ ਕਰ ਕਮਲਾ ਨਾਲ ਵਿਦਿਆਰਥੀਆਂ, ਮਾਪਿਆ ਨੂੰ ਸਨਮਾਨਿਤ ਕੀਤਾ ਅਤੇ ਆਪਣੇ ਇਥੋਂ ਤੱਕ ਪਹੁੰਚਣ ਦੇ ਸਫਰ ਬਾਰੇ ਵੀ ਵਿਦਿਆਰਥੀਆਂ ਨਾਲ ਕੌੜੀਆਂ ਮਿੱਠੀਆਂ ਯਾਦਾਂ ਸਾਂਝੀਆਂ ਕੀਤੀਆਂ। ਸੰਸਥਾਂ ਦੇ ਪ੍ਰਧਾਨ ਸ੍ਰੀ ਰਾਮ ਲਾਲ ਜੀ ਨੇ ਉਹਨਾਂ ਨੂੰ ਜੀ ਆਇਆ ਕਿਹਾ ਅਤੇ ਧੰਨਵਾਦ ਕੀਤਾ।
। ਸਟੇਜ ਚੱਲਣ ਦਾ ਪ੍ਰਬੰਧ ਰਿਟਾਇਰਡ ਲੈਕਚਰਾਰ ਸਰਦਾਰ ਦਿਲਬਾਗ ਸਿੰਘ ਜੀ ਨੇ ਕੀਤਾ, ਇਸ ਪ੍ਰੋਗਰਾਮ ਵਿੱਚ ਸੰਸਥਾ ਦੇ ਮੈਂਬਰ ਬੀਐਨਓ ਸ਼੍ਰੀ ਵਿਜੇ ਕੁਮਾਰ ਜੀ, ਕਲਭੂਸ਼ਣ ਸਲੋਤਰਾ ਜੀ, ਦਿਨੇਸ਼ ਅਬਰੋਲ ਜੀ,ਅਜੇ ਕੁਮਾਰ ਜੀ, ਵਿਪਨ ਕੁਮਾਰ ਕੈਸ਼ੀਅਰ, ਨਾਇਮ ਅਹਿਮਦ, ਗੁਰਦੀਪ ਸਿੰਘ ਪੰਨੂ, ਵਿਪਨ ਕੁਮਾਰ, ਲੈਕਚਰਰ ਪ੍ਰਦੀਪ ਸਹਿਗਲ,ਵਾਇਸ ਪਰਿੰਸੀਪਾਲ ਮੰਗਾ ਰਾਮ, ਮੈਡਮ ਕਮਲਜੀਤ ਕੋਰ ਭਾਮ, ਸਿਮਰਜੀਤ ਕੋਰ ਭਾਮ,ਪੱਤਰਕਾਰ ਅਬਦੁਲ ਸਲਾਮ ਤਾਰੀ ਅਤੇ ਹੋਰ ਪਤਵੰਤੇ ਸੱਜਣਾਂ ਨੇ ਪ੍ਰੋਗਰਾਮ ਦੇ ਵਿੱਚ ਸ਼ਿਰਕਤ ਕੀਤੀ। ਸੰਸਥਾ ਦੇ ਪ੍ਰਧਾਨ ਜੀ ਨੇ ਏ ਵੀ ਐਮ ਸਕੂਲ ਦੇ ਡਾਇਰੈਕਟਰ ਪ੍ਰਿੰਸੀਪਲ ਅਤੇ ਸਮੂਹ ਸਟਾਫ ਦਾ ਵਧੀਆ ਪਲੇਟਫਾਰਮ ਮੁਹੱਈਆ ਕਰਨ ਲਈ ਧੰਨਵਾਦ ਕੀਤਾ, ਅਤੇ ਪ੍ਰਧਾਨ ਜੀ ਨੇ ਅੱਗੋਂ ਅਗਲੇਰੇ ਸਮੇਂ ਵਿੱਚ ਹੋਰ ਵਧੀਆ ਪ੍ਰੋਗਰਾਮ ਕਰਨ ਦੀ ਕਾਮਨਾ ਕੀਤੀ।
